Naiz ➝

Fermin Muguruzak aho zabalik utzi duen sorpresa bat jaso du Valentzian, haren omenezko murala egin baitute Bellreguard herriko Joan Fuster institutuan. «Hunkituta jarraitzen dut», azpimarratu du musikari irundarrak.

‘Black Is Beltza II. Ainhoa’ filma aurkezteko birak Valentziako La Safor eskualdera (Herrialde Katalanak) eraman du Fermin Muguruza. Bertan, sorpresa itzela jaso du musikari irundarrak, bere omenezko mural erraldoia egin baitute Bellreguard herriko Joan Fuster institutuko hormetan.

Continue emocionat. La primera vegada que em dediquen un mural, on?
A l’IES Institut JOAN FUSTER, Bellreguard, La Safor. País Valencià.
Eskerrik asko bihotzez. Sense memòria no hi ha aprenentatge.@Black_Is_Beltza amunt AINHOA! pic.twitter.com/TFpT0HUZSI

— Fermin Muguruza (@muguruzafm) March 23, 2023

Muguruzak berak eman du, sare sozialen bitartez, opariaren berri. «Mural bat eskaintzen didaten lehen aldia da», nabarmendu du.

Bideo batean ikusten da sorpresa jasotzen duen unea: dultzaina eta atabalak lagunduta, ikasle, irakasle eta udal ordezkariek margoa dagoen tokiraino eramaten dute Muguruza. Haren keinuak ez du harridura ezkutatzen eta jarraian obraren egilea, Toni Espinar artista, besarkatzen du.

Beste hainbat erreferentziaren artean, muralak honakoa aldarrikatzen du: «Memoriarik gabe ez dago ikaskuntzarik». Horixe bera jarri du Muguruzak bere txioan, Valentziako lagunei «bihotzez» esker ona adieraztearekin batera.

Bellreguardeko Kultura Demokratikoko zinegotzi Juanjo Ginerrek ere hitz politak eskaini dizkio musikariari Twitter sare sozialean: «Fermin Muguruza bezalako erreferenteekin momentuak, proiektuak eta ametsak partekatu ahal izateak borrokan jarraitu ahal izateko behar duzun energia ematen dizu. Fermin, Belrreguardeko Herri Errepublika eta @ca_saforaui ere zure lubakiak dira».

Poder compartir moments, projectes, i somnis amb referents com @muguruzafm t’aporta l’energia necessària per seguir lluitant❤️✊🏾
Fermin, la República Popular de Bellreguard i @ca_saforaui també són trinxeres teues. Sempre benvingut i benvolgut! pic.twitter.com/DZ9diukJdc

— Juanjo Giner (@giner_juanjo) March 23, 2023

Read original article

Muguruza es, sin duda, una de las figuras más influyentes y carismáticas del panorama cultural vasco. Presentará en #ComicBarcelona : , la segunda entrega de su saga de animación y a la que @susannamarteen se ha encargado de traernos de forma ilustrada.

Podréis encontrarle también en una singular y prometedora charla con el autor @zerocalcare, el sábado 1 de Abril a las 12h.

Comic Barcelona