Berria ➝

Fermin Muguruzak ‘Black is beltza 2: Ainhoa’ filma estreinatuko du gaur, belodromoan. Zinemagileak esan du jende guztiak arnasa aldi berean hartzea nahiko lukeela; horretarako, «aurreberoketa» egingo dute kanpoaldean

Kortaturen Zu atrapatu arte da Black is beltza 2: Ainhoa-ren soinu bandako lehen kanta. 1980ko hamarkadako koloreak. Kortaturen —tartean Iñigo Muguruza zena ageri dela— eta belaunaldi baten abestiak entzungo dira filmean. Izan ere, Ainhoa, pelikulako heroia, Euskal Herrira joango da, 1988. urtean, Manex aitaren lurraldea ezagutzera. Josune kazetaria eta haren kuadrilla topatuko ditu han. Beste toki batzuetara ere joango dira. Eta Fermin Muguruzak, gazte zela, ondo ezagutzen zuen giro soziopolitikoan murgilduko da. Gaur da Ainhoaren eguna Donostiako Zinemaldian. Belodromoan estreinatuko dute animaziozko filma, 20:00etan —sarrerak agortuak daude—.

Baina ez da asko itxaron beharko zinemetan ikusteko. Hego Euskal Herriko areto komertzialetara hilaren 30ean iritsiko da. Lapurdin, Nafarroa Beherean eta Zuberoan, berriz, azaroaren 16tik aurrera ikusi ahalko da. Filma Galizian, Herrialde Katalanetan, Espainian eta Argentinan ere estreinatuko dute. Azken herrialde horretan, urrian aurkeztuko dute, Argentinako Lagarto J eta Draftoon ekoiztetxeek ere parte hartu baitute proiektuan, Euskal Herriko Talka Recordsekin batera. Animazioan lanean aritu da Lotura Film ekoiztetxea.

Hainbat herrialdetako aktoreak aritu dira filmean ahotsa jartzen. Haiei harrera egiten ari da Muguruza. Denbora asko hartu dio horrek estreinaldi aurreko ordu eta egunetan. «Konpromiso handia daukat, ez bakarrik jendea zuri begira dagoelako, baizik eta nire gainean dudalako gonbidatu guztien logistikaren erantzukizuna. Denak ondo egotea nahi dut». Ia denak egongo dira gaur belodromoan. Bi neska protagonisten ahotsak Maria Cruickshankek (Ainhoa) eta Itziar Ituñok (Josune) jartzen dituzte.

Pelikulako zuzendariak argi du gaurko estreinaldia proiekzio bat baino askoz gehiago izango dela. Ez bakarrik filma pantaila erraldoian ikusiko duten 3.000 lagunengatik. «Eta ez bakarrik belodromoak guretzat kutsu sentimental eta politikoa duelako». Proiekzioaren aurretik, 18:00etan, Broker Brothers Band taldeak joko du; Boga kooperatibakoek barra batzuk jarriko dituzte, garagardoekin —filmak garagardo propioa du—; eta pelikulako elastikoak eta diskoak salgai egongo dira. «Kontzertu baten parekoa izatea nahiko genuke. Jende guztiak arnasa aldi berean hartzea nahi dugu, pelikularekin batera, eta, horretarako, aurreberoketa egingo dugu belodromoaren kanpoaldean», azaldu du Muguruzak.

Xanti Salvador audio ingeniariak —lehen zatian eta bigarrenean parte hartu du— esan zion Irungo (Gipuzkoa) musikari eta zinemagileari pelikula ikustea kontzertu batera joatearen parekoa izan zitekeela, belodromokoa jakin aurretik. Salvadorrek —Euskal Herriko film askotan egin du lan — esaten zuen altxatzeko eta dantzatzeko filma dela tarte batzuetan. Azkenean, estreinaldia belodromoan izango zela esan zion Muguruzak ingeniariari, eta hau izan zen haren erantzuna: «Hori da, hori da gure tokia».

Aretoetara joateko deia

Lau urte eman zituen Muguruzak Black is beltza-ren lehen zatia osatzeko. Harkaitz Cano idazlea izan zuen lagun gidoian, eta hura ez ezik, Isa Campo ere aritu da haiekin oraingoan. Beste lau urte egin ditu orain Ainhoaren bigarren partea amaitzeko. Eta nahiz eta belodromoko gaurko festa jendetsua izan, zuzendariak argi du asko duela jokoan hilaren 30eko asteburuan. «Hego Euskal Herrian beharrezkoa da lehen asteburuan jendea joatea zinema aretoetara; bestela, bigarren asteburuan filma kendu egiten dizute zinemetatik». Iruditzen zaio, edonola ere, belodromora joango diren askok pelikulaz hitz egingo dutela, eta estreinaldirako sarrerarik gabe gelditu direnak ere joango direla 30eko asteburuan. Baina adi egoteko deia egin du: «Jendeak nahi badu gauzak euskaraz egin daitezela, bultzatu egin behar da, eta filma ikustera joan behar da».

Datorren astean, pelikularen aurrestreinaldi batzuk egingo dituzte: asteazkenean, Valentzian (Herrialde Katalanak); ostegunean, Madrilen; eta ostiralean, Bartzelonan. Hiru emanaldi horietarako sarrera guztiak ere agortuta daude.

Urriaren 18an, 20an eta 22an, Argentinan aurkeztuko dute. Eta, azaroan, Lapurdiko herri batzuetan izango dira, baita Frantziako hainbat hiritan ere.

Photo: Gorka Rubio/Foku

Lire l’article d’origine

El estreno en cines será el 30 de Septiembre y la salida de la historia gráfica, el 6 de Octubre 

Deia ➝  La continuidad de la exitosa película de animación para adultos Black is beltza, impulsada por el activista y músico Fermín Muguruza, también contará con su traslación al mundo del cómic. La historieta gráfica de Black is beltza II: Ainhoa llegará al público el 6 de octubre, apenas una semana después del estreno de la película en los cines vascos y estatales. Itziar Ituño, Antonio de la Torre y Eneko Sagardoy colaboran con sus voces, y Mursego es la autora de su música original.

Black is Beltza fue una de las gratas sorpresas impulsadas por un artista vasco en 2018. La película de animación de Muguruza se convirtió en un documento de “lucha contra el racismo y de apoyo a la multiculturalidad y al respeto por la lengua y la cultura propia”, según explicó a DEIA su autor, que contó con el guion de Isa Campo y la autoría de Josep Homs. Además, se convirtió en un gran éxito, ya que superó los 20.000 espectadores, lo que tuvo como consecuencia la edición posterior de un cómic y un disco con su banda sonora.

Aunque Muguruza defiende que “sigo siendo un músico que hace cine”, está ya muy avanzada la producción de la continuidad de la película. Black is beltza II: Ainhoa, cuya producción costará 1,5 millones de euros, se estrenará en los cines el 30 de septiembre y solo una semana después, el 6 de octubre, se publicará el cómic dibujado por Susana Martín. Saldrá a la calle simultáneamente en cuatro lenguas, gracias a la coproducción de TALKA Records & Films y las editoriales Elkar, Reservoir Books, Poll.Len y Demo Editorial, que las editarán en euskera, castellano, catalán y gallego, respectivamente.

EUSKADI Y LA GUERRA FRÍA

Con guion de Muguruza y el escritor Harkaitz Cano, a los que se ha sumado en esta ocasión Isa Campo (Entre dos aguas, La próxima piel), esta segunda parte se situará 20 años después de la primera entrega y estará protagonizada por Ainhoa, hija de Manex Unanue, el protagonista de la cinta original. Contará la vida de Ainhoa, quien, tras crecer en Latinoamérica, se trasladará a Euskadi, asistirá al último concierto de Kortatu –el primer y exitoso grupo de Muguruza– y viajará a Líbano, Kabul o Marsella, lugares donde se sucedieron distintos hechos históricos a finales de los 80 en el contexto del fin de la Guerra Fría.
Lire l’article original

Berria ➝

‘Black Is Beltza II: Ainhoa’ komikia urriaren 6an argitaratuko dute, euskaraz, gaztelaniaz, katalanez eta galegoz. Susanna Martin marrazkilariak Manex aitaren grazia eman dio Ainhoa protagonistari

Fermin Muguruzak «bonba hedakor» baten gisa aurkeztu zuen Black Is Beltza proiektua, 2014ko azaroan, eta halaxe zabaldu zen hurrengo urteetan: komikia, itzulpenak, abestia, erakusketak, animaziozko filma, soinu banda, liburua… Dardararik ez da nabaritu 2018az geroztik, baina taldea martxa bizian ari da lanean berriro, eta datorren udazkenerako asmoek beste eztanda baten itxura dute: irailaren 30ean, Black Is Beltza II: Ainhoa filma estreinatuko dute Hego Euskal Herrian, eta, urriaren 6an, izen bereko komikia kaleratuko dute Talka Records & Films plataformak eta Elkar argitaletxeak, euskaraz.

Gainera, egun berean, Talkarekin elkarlanean, katalanezko edizioa aterako du Pol·len argitaletxeak, galegozkoa Demok, eta gaztelaniazkoa Reservoir Booksek, Espainian, Latinoamerikan eta AEBetan dituen egoitzen bidez. Muguruzak, Harkaitz Canok eta Isa Campok idatzi dute gidoia, eta Susanna Martinek marraztu du. BERRIAk lehen irudiak erakutsi ditu, eta Martinekin hitz egin du sortze prozesuaz.

Martin Bartzelonan jaioa da, 1976an, eta zazpi urte dira Euskal Herrian bizi dela. Iazko udaberrian jaso zuen Muguruzaren deia, eta marraztu eta marraztu ari da ordutik, lanak garaiz bukatzeko asmoz. Bigarren komikiak Jorge Alderetek marraztutako lehenaren neurri bera izango du, eta Martinek kontuan izan du haren lana, baina bere estiloan aritu da, halere: «Ferminek horixe nahi zuen, bakoitzak proiektua bere modura interpretatzea. Lehen komikitik erreskatatu ditut tramen eta koloreen egitura, baina nirera ekarri dut zeharo».

Filmaren gidoia, komikira

Martin marrazten ari den bitartean ari dira filma prestatzen, baina ez du irudi askorik ikusi nahi izan, horren eraginik ere ez izateko. «Gainera, zinemaren eta komikiaren narrazioa oso desberdina da». Hori izan da lanik zailena, marrazkilariaren arabera: zuzenean zinemarako idatzitako gidoi bat komiki bihurtzea. «Asko moztu behar izan dut, eszenak luzeak zirelako komiki baterako, eta, mantenduz gero, astuna litzatekeelako. Moldatu egin behar izan dut: pasarte batzuk azkartu, besteak pixka bat moteldu…».

Black is Beltza 2 Ainhoa komikiaren Portada

Komikiak Ainhoa protagonistaren izena darama; Black Is Beltza-ko Manexen alaba da. Kuban hazi, eta, 1988an, 21 urterekin, Euskal Herrira joango da, aitaren lurraldea ezagutzera. «Aitaren graziarekin egin dut Ainhoa. Fermini ez nion ezer esan, eta jarrera harro hori lehen aldiz ikusi zuenean, gustatu zitzaion. Bera ere arima libre bat da, edo bala galdu bat», azaldu du Martinek.

Gidoia marraztu duenean, bizia eman die pertsonaiei: «Aktorea banintz bezala, gertatzen dena interpretatu dut, odola sartu diet». Nahiz eta batzuk besteak baino gehiago gustatu zaizkion: «Badago bigarren mailako pertsonaia bat gogoko ez dudana, eta hari ergel tankera eman diot, adibidez».

Pertsonaiak batetik bestera ibiliko dira, lehenengo komikian bezalaxe, Martinek kontatu duenez. «Orain Afganistan marrazten ari naiz, hain justu». Ainhoa kazetari lagun batekin joango da hara. «1988an haurra nintzenez, telebistaren bidez ikusten nuen dena: talibanen gorakada, Gerra Hotza… Gustatzen zait orduan ulertu gabe ikusten nuen hori marraztea, hori izan delako, gainera, ondorengo beste gerra askoren abiapuntua. Lagundu dit hutsune batzuk osatzen ere».

Pasarte batean baino gehiagotan egin du Martinek lotura pertsonal hori. Esaterako, Iruñean girotutako hasierako zatiak ere piztu zion arreta: «Katalana izanda eta hemen bizita, badaude gauza batzuk badakizkizunak edo intuitzen dituzunak: ETA, presoak… Hor daude, galdera markekin, eta gustatzen zait nola dagoen planteatuta gatazkari buruzko kontua; uste dut errespetu handiz landu dutela».

Dokumentazioan, zorrotz

Agertoki horiek guztiak behar bezala irudikatzeko, dokumentazio lan handia egin dute. «Eromena izan da». Martinek ez du hutsetik hasi beharrik izan, ordea, Muguruzak dagoeneko prest zuelako material guztia: «Den-dena pasatu dit, karpetak eta karpetak, detaile guztiak zainduta. Biok bat gatoz horretan, oso zorrotzak gara».

Orain, marrazkilariak lanean jarraitzen du, egindakoa erakusteko irrikaz, dagoeneko. «Arraroa da honela lan egitea, txikira ohituta egonik. Lana Ferminek bakarrik ikusi du ia, hilabeteak daramatzat sareetara marrazkirik igo gabe, eta, irudiarekin lan eginda, arraroa izaten da hori. Zerbait erakusteko beharra daukat!».

Lire l’article original

zinea ➝

Black is Beltza II: Ainhoa filma 2022ko irailaren 30ean iritsiko da Hego Euskal Herriko zinema aretoetara. Fermin Muguruzak sortutako proiektua Gerra Hotzaren amaieran kokatuko da, eta Manex Unanueren alaba, Ainhoa, izango da protagonista.

Fermin Muguruzak orain bi urte Donostia Zinemaldian aurkeztu zuen ekoizpenaren jarraipenak badu estreinaldirako data. Animaziozko film luzeen nazioarteko koprodukzioak sustatzeko Cartoon Movie foroan parte hartu du berriki Black is Beltza II: Ainhoa proiektuak, eta 2022ko irailaren 30ean iritsiko da Hego Euskal Herriko zinema aretoetara. Filmaz gain, soinu bandaren diskoa eta Susanna Martín ilustratzaileak sortutako komikia ere aurkeztuko dituzte, transmedia proiektua borobilduz.

Isa Campo gidoilariak eta Harkaitz Cano idazleak idatzi dute istorioa, eta Imanol Zinkunegi izan da animazio zuzendaria. Beñat Beitia arduratu da arte zuzendaritzaz eta marina Omedes zein karin de Krook lan egin dute Bartzelonako estudioetan. Josep Homsek sortu ditu 2D eta 3D diseinuak, eta Talka Records Filmesk ekoiztu du.

Manex Unanueren alaba, Ainhoa, izango da protagonista eta Gerra Hotzaren amaieran kokatuko da. Lehen filmeko gertakari horietatik bi hamarkada beranduago jaio zen alaba La Pazen (Bolivia), eraso parapolizial baten ondorioz Amanda ama hil ondoren. Gaztea Kuban hazi zen eta 1988an, 21 urte zituela, Euskal Herrira joan zen aitaren lurra ezagutzera.

Euskal Herrira egindako bidaia horretan, Azken Guda Dantza emanaldira joateko aukera izango du, Kortatu taldeak eskainitako azken kontzertua. Horrez gain, Josune kazetari konprometitua eta haren adiskideak ezagutuko ditu ere; garaiotako gazte belaunaldian heroinak utzitako arrastoa gertutik bizituko du, eta narkotrafikoak gogor astindutako Kabul, Sobietar Batasuna eta Marsella bezalako helmugak ezagutzeko aukera izango du. Baita heroinak astindutako Euskal Herria ere. Ariadna Gil, Antonio de la Torre, Yashmine Kris, Itziar Ituño, Darko Peric, Gorka Otxoa, Jon Plazaola, Maria Cruickshank eta Ander Lipus dira protagonistei ahotsa jarri dieten aktoreak.

Proiektuaren arduradunek iragarri dute aurki zabalduko dutela informazio gehiago. Gaur gaurkoz, kartelaren teaserra.

Lire l’article original