Gaur, Ekainak 22, Black is Beltza II: Ainhoa filmaren emanaldia Bianan MUGACU FEST 2023 jaialdiaren programaren barruan.
Bogotako Nazioarteko Zinema Independentearen Azoka ekainaren 9tik 14ra egingo da. Bertako Cinema Punk sailean sei pelikula aurkeztuko dira, horien artean Fermin Muguruzaren ‘Black is Beltza II: Ainhoa’.
FECIn (Feria Internacional de Cine Independiente de Bogotá) Cinema Punk sailaren seigarren edizioa egingo da aurtengoa. Sailak ikus-entzunezkoen eta musikaren arteko topagunea izateko helburua du. Edizio honetan, Fermin Muguruza Kortatu eta Negu Gorriak taldeetako abeslaria izango da gonbidatu nagusia. Etxepare Euskal Institutuaren babespean, Muguruzak ‘Black is Beltza II: Ainhoa’ filma bertatik beratara aurkeztuko du ekainaren 9an Bogotako Cinematecako Sala Capital aretoan, 19:00etan (GMT – 5).
‘Black Is Beltza II’ 80ko hamarkadaren amaieran girotuta dago eta Ainhoaren ,gazte kubatar baten, urratsak jarraitzen ditu. Ama karibetar batez gain, Ainhoak aita euskalduna du (Manex, lehen filmeko protagonista). Bere jatorria ezagutzeko, Ainhoa Euskal Herrira joango da, Beirutera ere joateko asmoz, bere amaordea bisitatzera. Pelikula honek ezker abertzalearen 80ko hamarkadako egoeraz, Ekialde Ertaineko herri mugimenduez eta Sobiet Batasunaren berehalako kolapsoaren aurrean narkotrafikoarekin izandako gerra zikinaz hitz egiten du.
Cinema Punk FECIren atal bat da 2017az geroztik. Sail honek fizioaren eta dokumentalaren arteko luzemetraiak programatzea du helburu. Programatutako filmen eduki eta formek punkaren gaia jorratzen dute, ikuspuntu kritikoenetik, sozialenetik eta kontestatarioenetik.
zinea ➝
FECIn (Feria Internacional de Cine Independiente de Bogotá) egitasmoaren baitako Cinema Punk sailaren seigarren edizioa izango da aurtengoa. Sailak ikus-entzunezkoen eta musikaren arteko topagunea izateko helburua du, eta filmen eduki eta formek punkaren gaia jorratzen dute, ikuspuntu kritikoenetik, sozialenetik eta kontestatarioenetik.
Bada, edizio honetan, Fermin Muguruza Kortatu eta Negu Gorriak taldeetako abeslaria izango da gonbidatu nagusia. Etxepare Euskal Institutuaren babespean, Muguruzak Black is Beltza II: Ainhoa (2022) filma bertatik beratara aurkezteko aukera izango du, ekainaren 9an, 19:00etatik aurrera, Bogotako Cinematecako Sala Capital aretoan.
‘Black Is Beltza II’ 80ko hamarkadaren amaieran girotuta dago eta kubatar jatorriko Ainhoa gaztearen urratsak jarraitzen ditu. Ainhoa mirariz jaio zen La Pazen (Bolivia) Amanda ama atentatu parapolizial batean eraila izan ondoren. Kuban hazi eta 1988an, 21 urterekin, Euskal Herrira abiatuko da Manex aitaren (lehen filmeko protagonistaren) lurraldea ezagutzera.
Gatazka errepresibo betean, Josune kazetari konprometitua eta bere lagun koadrila ezagutuko ditu. Horietako bat heroina gaindosi baten ondorioz hiltzen denean, Ainhoa eta Josune iniziazio-bidaian murgilduko dira Libano, Afganistan eta Marseilla hiritik barrena. Gerra Hotzaren azken urteak dira eta biak ala biak narkotrafikoko sareek trama politikoekin elkartzen diren mundu ilunean barneratuko dira.
