Black is Beltza>Página 16
Black is Beltza

[AUDIO] Fermín Muguruza: “Soy un loco del Zinemaldia”

eitb ➝

El penúltimo día del Zinemaldia tiene prevista la proyección en el Velódromo de ‘Black is Beltza II: Ainhoa ‘, que dirige Fermin Muguruza y cuenta con la participación de EITB

🔊 Elkarrizketa entzun

Tras el éxito de la primera parte, Fermín Muguruza estrena la película de animación ‘Black is Beltza II: Ainhoa’ en Zinemaldia. Lo hará en el Velódromo de Anoeta; el mismo lugar donde en 2001, cinco años después de su despedida, Negu Gorriak volvía a los escenarios para celebrar junto a miles de personas su victoria judicial sobre el general Rodríguez Galindo con dos conciertos históricos. “Es el mejor regalo que me puede hacer nadie” reconoce Fermín Muguruza.

La segunda parte de la saga ‘Black is Beltza’ arranca 21 años después, en 1988, con Ainhoa, la hija de los dos primeros personajes principales, Amanda y Manex. Con solo 21 primaveras Ainhoa viaja al País Vasco para conocer la tierra de su padre Manex. En pleno conflicto represivo, conoce a Josune, una periodista comprometida, y su cuadrilla de amigas y amigos. Cuando uno de estos muere por sobredosis de heroína, Ainhoa y Josune parten en un viaje iniciático que las llevará por el Líbano, Afganistán y la ciudad de Marsella.

La película, que llegará a los cines el próximo 30 de septiembre, cuenta con las voces de María Cruickshank, Ainhoa, e Itziar Ituño, Josune, como protagonistas.

Jatorrizko berria irakurri

Black is Beltza

Fermin Muguruza: “Denok elkarrekin arnastu, txalo eta negar egin eta algaraka hasiko gara”

eitb ➝

 

“Black Is Beltza 2: Ainhoa” filma 3.000 lagunen aurrean estreinatuko dute gaur, ostiralarekin, Donostiako Zinemaldiaren barruan.

Black is Beltza

Fokupean: Fermin Muguruza, ‘Black is Beltza II: Ainhoa’

Berria ➝

Musikan ibilbidea oparoa egindakoa da Fermin Muguruza. Azken boladan, zineman dabil musikan baino gehiago. ‘Black is beltza’ren bigarren atala estreinatu du gaur, Zinemaldian: ‘Black is beltza II: Ainhoa’

Fokupean jarri d…

Jatorrizko berria irakurri

Black is Beltza

Ainhoaren eguna heldu da

Berria ➝

Fermin Muguruzak ‘Black is beltza 2: Ainhoa’ filma estreinatuko du gaur, belodromoan. Zinemagileak esan du jende guztiak arnasa aldi berean hartzea nahiko lukeela; horretarako, «aurreberoketa» egingo dute kanpoaldean

Kortaturen Zu atrapatu arte da Black is beltza 2: Ainhoa-ren soinu bandako lehen kanta. 1980ko hamarkadako koloreak. Kortaturen —tartean Iñigo Muguruza zena ageri dela— eta belaunaldi baten abestiak entzungo dira filmean. Izan ere, Ainhoa, pelikulako heroia, Euskal Herrira joango da, 1988. urtean, Manex aitaren lurraldea ezagutzera. Josune kazetaria eta haren kuadrilla topatuko ditu han. Beste toki batzuetara ere joango dira. Eta Fermin Muguruzak, gazte zela, ondo ezagutzen zuen giro soziopolitikoan murgilduko da. Gaur da Ainhoaren eguna Donostiako Zinemaldian. Belodromoan estreinatuko dute animaziozko filma, 20:00etan —sarrerak agortuak daude—.

Baina ez da asko itxaron beharko zinemetan ikusteko. Hego Euskal Herriko areto komertzialetara hilaren 30ean iritsiko da. Lapurdin, Nafarroa Beherean eta Zuberoan, berriz, azaroaren 16tik aurrera ikusi ahalko da. Filma Galizian, Herrialde Katalanetan, Espainian eta Argentinan ere estreinatuko dute. Azken herrialde horretan, urrian aurkeztuko dute, Argentinako Lagarto J eta Draftoon ekoiztetxeek ere parte hartu baitute proiektuan, Euskal Herriko Talka Recordsekin batera. Animazioan lanean aritu da Lotura Film ekoiztetxea.

Hainbat herrialdetako aktoreak aritu dira filmean ahotsa jartzen. Haiei harrera egiten ari da Muguruza. Denbora asko hartu dio horrek estreinaldi aurreko ordu eta egunetan. «Konpromiso handia daukat, ez bakarrik jendea zuri begira dagoelako, baizik eta nire gainean dudalako gonbidatu guztien logistikaren erantzukizuna. Denak ondo egotea nahi dut». Ia denak egongo dira gaur belodromoan. Bi neska protagonisten ahotsak Maria Cruickshankek (Ainhoa) eta Itziar Ituñok (Josune) jartzen dituzte.

Pelikulako zuzendariak argi du gaurko estreinaldia proiekzio bat baino askoz gehiago izango dela. Ez bakarrik filma pantaila erraldoian ikusiko duten 3.000 lagunengatik. «Eta ez bakarrik belodromoak guretzat kutsu sentimental eta politikoa duelako». Proiekzioaren aurretik, 18:00etan, Broker Brothers Band taldeak joko du; Boga kooperatibakoek barra batzuk jarriko dituzte, garagardoekin —filmak garagardo propioa du—; eta pelikulako elastikoak eta diskoak salgai egongo dira. «Kontzertu baten parekoa izatea nahiko genuke. Jende guztiak arnasa aldi berean hartzea nahi dugu, pelikularekin batera, eta, horretarako, aurreberoketa egingo dugu belodromoaren kanpoaldean», azaldu du Muguruzak.

Xanti Salvador audio ingeniariak —lehen zatian eta bigarrenean parte hartu du— esan zion Irungo (Gipuzkoa) musikari eta zinemagileari pelikula ikustea kontzertu batera joatearen parekoa izan zitekeela, belodromokoa jakin aurretik. Salvadorrek —Euskal Herriko film askotan egin du lan — esaten zuen altxatzeko eta dantzatzeko filma dela tarte batzuetan. Azkenean, estreinaldia belodromoan izango zela esan zion Muguruzak ingeniariari, eta hau izan zen haren erantzuna: «Hori da, hori da gure tokia».

Aretoetara joateko deia

Lau urte eman zituen Muguruzak Black is beltza-ren lehen zatia osatzeko. Harkaitz Cano idazlea izan zuen lagun gidoian, eta hura ez ezik, Isa Campo ere aritu da haiekin oraingoan. Beste lau urte egin ditu orain Ainhoaren bigarren partea amaitzeko. Eta nahiz eta belodromoko gaurko festa jendetsua izan, zuzendariak argi du asko duela jokoan hilaren 30eko asteburuan. «Hego Euskal Herrian beharrezkoa da lehen asteburuan jendea joatea zinema aretoetara; bestela, bigarren asteburuan filma kendu egiten dizute zinemetatik». Iruditzen zaio, edonola ere, belodromora joango diren askok pelikulaz hitz egingo dutela, eta estreinaldirako sarrerarik gabe gelditu direnak ere joango direla 30eko asteburuan. Baina adi egoteko deia egin du: «Jendeak nahi badu gauzak euskaraz egin daitezela, bultzatu egin behar da, eta filma ikustera joan behar da».

Datorren astean, pelikularen aurrestreinaldi batzuk egingo dituzte: asteazkenean, Valentzian (Herrialde Katalanak); ostegunean, Madrilen; eta ostiralean, Bartzelonan. Hiru emanaldi horietarako sarrera guztiak ere agortuta daude.

Urriaren 18an, 20an eta 22an, Argentinan aurkeztuko dute. Eta, azaroan, Lapurdiko herri batzuetan izango dira, baita Frantziako hainbat hiritan ere.

Argazkia: Gorka Rubio/Foku

Jatorrizko berria irakurri